‘செய்திகள்’

விபச்சாரம், போதைப்பொருள் விற்பனையை ஊக்குவிப்பதில் யாழ் மேயர் யோகேஸ்வரி!

விபச்சாரம், போதைப்பொருள் விற்பனையை ஊக்குவிப்பதில் யாழ் மேயர் யோகேஸ்வரி!

Published on November 20, 2011-7:35 pm ·

யாழ்ப்பாணத்தில் இடம்பெறும் விபச்சாரம் முற்றும் போதைப்பொருள் விற்பனை உள்ளிட்ட சட்டவிரோதச்செயற்பாடுகளை யாழ்.மாநகர மேயர் திருமதி யோகேஸ்வரி பற்குணராஜா ஊக்குவிக்கின்றார் என ஆளும் மாநகரசபை உறுப்பினர் நிசாந்தன் குற்றம் சாட்டியுள்ளார்.
யாழ்.நகரில் இடம்பெறும் போதைப்பொருள் விற்பனை விபச்சாரம் கசிப்பு உள்ளிட்ட சட்;ட விதச் செயற்பாடுகளை மாநகர மேயரே தூண்டி விடும் விதமாக செயற்படுகின்றார் என அவர் குற்றஞ்சாட்டியுள்ளார்
யாழ்ப்பாணத்தில் சட்டவிரோதமாக விடுதிகள் இயங்குகின்றன. போதைப்பொருள் வியாபாரமும் நடைபெறுகின்றது. இவற்றிற்கு எதிராக நடவடிக்கை எடுக்க மாநகர சபை மேயரிடம் கோரிக்கை விடுத்த போதும் இதுவரையில் அவர் நடவடிக்கை எடுக்கவில்லை
பொலிஸார் தகவல் கொடுத்தால் தான் நடவடிக்கை எடுப்போம் என்று தெரிவிக்கின்றனர் தாமாக முன்வந்து சட்ட நடவடிக்கைகளை மேற்கொள்கின்றார்கள் இல்லை
கடந்த 3 மாதங்களுக்கு முன்னரே யாழ்ப்பாணத்தில் இடம்பெறும் சட்டவிரோத விடுதிகள் மற்றும் நடவடிக்கைகள் தொடர்பாக நடவடிக்கை எடுக்குமாறு மாநகர சபையில் கூறினேன்
ஆனால் இதுவரையில் அவர் எந்த நடவடிக்கையையும் எடுக்கவில்லையென்றும் இதனால் அவர் மீது சட்டநடவடிக்கையை எடுக்க தாம் தீர்மானித்திருப்பதாகவும் அவர் தெரிவித்தார்.

கிழக்கு மாகாணத்தில் பிள்ளையான், கருணா, முஸ்லீம் குழுக்களிடம் பெருந்தொகை ஆயுதங்கள்

கிழக்கு மாகாணத்தில் பிள்ளையான், கருணா, முஸ்லீம் குழுக்களிடம் பெருந்தொகை ஆயுதங்கள்!

Published on November 20, 2011-7:31 am · No Comments

கிழக்கு மாகாணத்தில் பொதுமக்கள் வைத்திருந்த 3440 ஆயுதங்கள் தம்மிடம் ஒப்படைக்கப்பட்டிருப்பதாக காவல்துறையினர் தெரிவித்துள்ளனர்.
பொதுமக்களிடம் உள்ள ஆயுதங்களை உடனடியாக ஒப்படைக்குமாறு காவல்துறையினர் விடுத்த உத்தரவிற்கு அமைய இவ்வாறு ஆயுதங்கள் ஒப்படைக்கப்பட்டுள்ளன.
அம்பாறை, கந்தளாய், திருகோணமலை போன்ற பிரதேசங்களைச் சேர்ந்த பொதுமக்கள் வசமிருந்த ஆயுதங்கள் இவ்வாறு ஒப்படைக்கப்பட்டுள்ளன.
ஆயுதங்களை பொறுப்பெற்றுக் கொள்ளும் நடவடிக்கைகள் அடுத்த வாரத்துடன் முடிவடைவதாக காவல்துறையினர் அறிவித்துள்ளனர்.
அதன் பின்னர் மாகாணத்தில் காணப்படும் சட்டவிரோத ஆயுதங்களை கண்டு பிடிக்கும் நோக்கில் பாரியளவிலான தேடுதல் வேட்டைகள் முன்னெடுக்கப்படும் என காவல்துறையினர் அறிவித்துள்ளனர்.
ஒப்படைக்கப்பட்ட ஆயுதங்களில் அதிகமானவை எல்லைப்புற சிங்கள கிராமங்களின் பாதுகாப்பிற்காக பொதுமக்களுக்கு வழங்கப்பட்டவை என தெரிவிக்கப்படுகிறது.
இதேவேளை கிழக்கு மாகாணத்தில் பிள்ளையான் குழு, கருணாகுழு மற்றும் முஸ்லிம் குழுக்களிடம் பெருந்தொகையான ஆயுதங்கள் உள்ளன.
விடுதலைப்புலிகளிடமிருந்து கருணா பிரிந்த போது கிழக்கில் பெருந்தொகையான ஆயுதங்கள் இருந்தன. கிழக்கு மாகாணத்தில் அப்போது இருந்த விடுதலைப்புலிகளின் தகவல்களின் படி சுமார் 40 பாரிய ஆயுதங்களஞ்சியங்கள் இருந்ததாக தெரிவித்துள்ளனர்.
இந்த ஆயுதங்களில் ஒருபகுதி பிள்ளையான் மற்றும் கருணா குழுக்களால் முஸ்லீம்களுக்கு விற்கப்பட்டுள்ளது. அத்துடன் கருணா பிரிந்த நேரத்தில் விடுதலைப்புலி உறுப்பினர்கள் பலர் தமது ஆயுதங்களை எறிந்து விட்டு தமது வீடுகளுக்கு சென்றிருந்தனர். அந்த ஆயுதங்களை சில பொதுமக்கள் எடுத்து முஸ்லீம் ஆயுதக்குழுக்களுக்கும் விற்றுள்ளன.
இந்த ஆயுதங்கள் எவையும் காவல்துறையினரிடம் ஒப்படைக்கப்படவில்லை என்பது குறிப்பிடத்தக்கதாகும்.

இறுதிக்கட்ட யுத்தம் பற்றி அரசாங்கம் விசாரணையை நடத்த வேண்டும் -ஆணைக்குழு அறிக்கை

இறுதிக்கட்ட யுத்தம் பற்றி அரசாங்கம் விசாரணையை நடத்த வேண்டும் -ஆணைக்குழு அறிக்கை

Published on November 20, 2011-5:55 am ·

இன்று ஞாயிற்றுக்கிழமை காலை 11 மணிக்கு அலரி மாளிகையில் வைத்து ஜனாதிபதி மகிந்த ராஜபக்சவிடம் கையளிக்கப்படவிருக்கும் கற்றுக்கொண்ட பாடங்கள் மற்றும் நல்லிணக்க ஆணைக்குழுவின் இறுதி அறிக்கையில் யுத்தத்தின் இறுதிக்கட்டத்தில் இடம்பெற்ற சம்பவங்கள் குறித்து விசாரணையை அரசாங்கம் நடத்த வேண்டும் என்று கோரப்படவிருப்பதாக சண்டே ரைம்ஸ் ஆங்கில வார இதழ் செய்தி வெளியிட்டுள்ளது.

ஆணைக்குழுவிற்கு கிடைத்த தகவல்களின் அடிப்படையில் அக்குற்றச்சாட்டுக்களுக்கான ஆரம்ப ஆதாரங்கள் இருப்பதாகவும் ஆணைக்குழுவின் அறிக்கையில் தெரிவிக்கப்பட்டுள்ளது.

எவ்வாறாயினும் ஆணைக்குழு சம்பவங்கள் பற்றியோ மற்றும் அச்சம்பவங்களில் பங்குபற்றியவர்கள் பற்றிய அடையாளங்களையோ அறிக்கையில் தெரிவிக்கவில்லை என்றும் அச்செய்தியில் தெரிவிக்கப்பட்டுள்ளது.

ஆணைக்குழு தனது 400 பக்க அறிக்கையில் சணல் 4வின் கொலைக்களம் ஆவணம் முற்றாக புனையப்பட்டதொன்று என்றும் தெரிவித்துள்ளது.

ஆணைக்குழுவின் அறிக்கையில் தெரிவிக்கப்பட்டுள்ள முக்கிய அம்சங்களாவன:-

1. பொதுமக்களின் அபிப்பிராயப்படி இனப்பிரச்சினை அரசியல்வாதிகளால் தங்களின் வாக்கு வங்கியை அதிகரிக்க உருவாக்கப்பட்ட ஒன்றாகும். ஒருவரின் இனத்தை மையமாக வைக்காது இலங்கை பிரஷை என்பதை மையமாக வைத்து இனரீதியான அரசியலுக்கு முடிவு கட்ட வேண்டும். சிறிமாவோ ஆட்சியில் பல்கலைக்கழக அனுமதிக்கு தரப்படுத்தல் முறை கொண்டு வரப்பட்டதை அடுத்தே பிரச்சினை ஆரம்பித்தது.

2. 1983 ஜூலை இனக்கலவரம் பற்றியும் அறிக்கையில் விஸ்தாரமாக ஆராயப்பட்டுள்ளது.

3. நாட்டின் எந்தப்பகுதியிலும் இலங்கையன் காணி வாங்குவதற்கு உரித்துள்ளவர்கள்.

4. தருஸ்மன் அறிக்கை என்றழைக்கப்படுகின்ற ஐநா நிபுணர் குழு அறிக்கையையும் ஆணைக்குழு தனது கவனத்திற்கு எடுத்துக்கொண்டது

என சண்டேரைம்ஸ் தெரிவித்துள்ளது

யுத்த கசப்பு இனங்களுக்கிடையில் நிரந்தர வடுக்களாகத்தான் இருக்கும் – தேசிய சமாதான பேரவை

யுத்த கசப்பு இனங்களுக்கிடையில் நிரந்தர வடுக்களாகத்தான் இருக்கும் – தேசிய சமாதான பேரவை

Published on November 19, 2011-4:56 pm · No Comments

அரசாங்கத்திற்கும் தமிழ்த்தலைவர்களுக்கும் இடையேயும், இனங்களுக்கு இடையிலும்; உண்மையான நல்லிணக்கம் ஏற்படாத பட்சத்தில் . யுத்தத்தின் கடைசிக்கட்டத்தில் ஏற்பட்ட கசப்பும் பகைமையும் இனங்களுக்கு இடையே நிரந்தர வடுக்களாகத்தான் இருக்கும் என தேசிய சமாதானப் பேரவை தெரிவித்துள்ளது.

இது தொடர்பான தேசிய சமாதானப்பேரவை வெளியிட்ட அறிக்கையில் மேலும் தெரிவிக்கப்பட்டுள்ளதாவது

விடுதலைப்புலிகளை 2009 இல் இராணுவ ரீதியில் தோற்கடித்ததுடன் 3 தசாப்தங்களாக நீடித்த உள்நாட்டு யுத்தமும் பயங்கரவாதமும் முடிவுக்கு வந்தன. அதனால் ஏற்பட்ட உயிரிழப்புக்கள், அழிக்கப்பட்ட சொத்துக்கள், அபிவிருத்திகள், உளவியல்
தாக்கங்கள் மற்றும் புலம்பெயர்ந்தோர் கணக்கில் அடங்கா.

அரசாங்கத்திற்கும் தமிழ்த்தலைவர்களுக்கும் இடையேயும் இனங்களுக்கு இடையிலும் உண்மையான நல்லிணக்கம் ஏற்படாத பட்சத்தில் . யுத்தத்தின் கடைசிக்கட்டத்தில் ஏற்பட்ட கசப்பும் பகைமையும் இனங்களுக்கு இடையே நிரந்தரவடுக்களாக இருக்கும்.

சமாதான வழியில் சமாதானத்தை அடைவதற்கு நோர்வே அரசின் அனுசரணையுடன் 2002-2006 களில் மேற்கொள்ளப்பட்ட முயற்சியோ கடைசியான முயற்சியாக இருந்தது. தேசிய சமாதான சபை கடைசி சமாதான முயற்சியை ஆதரித்தது.

யுத்தத்தில் ஈடுபட்ட இரு தரப்பினரையும் போர்க்களம் செல்லாதபடி சமாதானத்தை நோக்கியதான மக்கள் இயக்கம் ஒன்றை உருவாக்க எம்மால் முடியாமல் போயிற்று. இது வருத்தத்திற்குரியது.

இராணுவத்தீர்விலும் பார்க்க சமாதான முயற்சியின் மூலம் காணப்பட்ட தீர்வு மிகவும் உயர்வானதாக இருந்திருக்கும். அதன் மூலம் அரசியல் தீர்வு ஒன்றைக்கண்டிருக்க முடியும். அம்முயற்சி வெற்றி பெற்றிருந்தால் உயிரிழப்புக்கள் மற்றும் சொத்து அழிவுகள் தவிர்க்கப்பட்டிருக்கும். தோல்வி கண்டிருப்பினும் யுத்தத்தினை சமாதான வழியில் முடிவுக்குக்கொண்டுவர எடுக்கப்பட்ட முயற்சிகள் துணிச்சலானதாகவும்
தேவையானதாகவும் அமைந்திருந்தன.

இன முரண்பாடுகளின் ஆணிவேர் சரியாக கவனிக்கப்படாததால் தான் யுத்தமும் பயங்கரவாதமும் ஏற்பட்டன. யுத்தம் முடிவுற்றாலும் இன்னும் அவை கவனிக்கப்படவேண்டியவையாகும்.

நோர்வேயின் அனுசரணையுடன் ஆரம்பிக்கப்பட்ட சமாதான முயற்சி சமாதான தீர்வை நோக்கியே நகர்ந்தது. ஒரு கட்டத்தில் ஐக்கிய இலங்கைக்குள் அதிகாரப்பகிர்வு பற்றி ஆராய்வதற்கு அரசும் விடுதலைப்புலிகளும் இணங்கியிருந்தனர். அது தோற்றுப்போனதற்கான காரணங்களை நாம் படிக்க வேண்டும். எதிர்காலத்தில் அப்பாடத்தை பயன்படுத்த வேண்டும்.

சமாதான முயற்சி பற்றி நோர்வே ஆராய்ந்தது. திறந்த வெளிப்பாட்டுக்கு உதாரணமாக அது அமைகின்றது. இப்போது யுத்தம் முடிந்து விட்டது. அரசியல் தீர்வு ஒன்றைக் காணவும் யுத்தத்தின் பின்னரான அபிவிருத்தியை முன்னெடுக்கவும் ஆதரவளிக்க வேண்டும் என்று நாம் நோர்வேயையும் சர்வதேச சமூகத்தையும் கோருகின்றோம்.

சமாதான முயற்சியில் நேரடியாக ஈடுபட்டிருந்த அமெரிக்கா, ஐரோப்பிய யூனியன், இந்தியா மற்றும் ஜப்பான் ஆகிய நாடுகள் தொடர்ந்தும் அம்முயற்சியில் ஈடுபட்டு இலங்கையில் சமாதானத்தையும் நீதியையும் நிலைநிறுத்த உதவவேண்டும்.

சுவிஸ் சூரிச் சிவன் கோவிலில் மாவீரர் நினைவாலயம்!

சுவிஸ் சூரிச் சிவன் கோவிலில் மாவீரர் நினைவாலயம்!

Published on November 19, 2011-6:33 pm    ·   1 Comment

தமிழீழ விடுதலைப்போராட்டத்தில் உயிர் நீத்த அனைத்து விடுதலை வீரர்களுக்கும், பொதுமக்களுக்குமாக நினைவாலயம் ஒன்று சுவிஸ், சூரிச் அருள்மிகு சிவன் கோவிலில் சைவத்தமிழ் சங்கத்தினால் அமைக்கப்பட்டுள்ளது.
இம்மாவீரர் நினைவாலயம் எதிர்வரும் 25ஆம் திகதி திறக்கப்பட உள்ளதுடன் மாவீரர் தினமான 27ஆம் திகதி மாவீரர்களுக்கு அகவணக்கம் செய்து பூசை வழிபாடு செய்ய விரும்புபவர்கள் அன்றைய தினம் வருகை தந்து அகவணக்கம் செய்து பூசை வழிபாடுகளிலும் ஈடுபடலாம் என அறிவிக்கப்பட்டுள்ளது.
தாயகத்தில் உள்ள மாவீரர் குடும்பங்கள் மாவீரர் தினத்தில் தமது உறவுகளுக்கு ஆலயங்களுக்கு சென்று பூசை செய்வதுடன் வீடுகளில் தமது பிள்ளைகளின் படங்களுக்கு விளக்கேற்றி அகவணக்கம் செய்ய கூடிய சூழ்நிலையிலேயே உள்ளனர். மாவீரர் இல்லங்கள் அனைத்தும் இடிக்கப்பட்ட நிலையில் அவர்களால் ஆலய வழிபாடுகளை மட்டுமே செய்ய முடிவதுடன் வீடுகளில் விளக்கேற்றி அகவணக்கம் செய்கின்றனர்.
அதேபோல புலம்பெயர்ந்த நாடுகளில் உள்ள தமிழர்களும் போட்டிகள் மோதல்களுக்குள் சிக்காது ஆலயங்களுக்கு சென்று பூசை வழிபாடுகளை செய்து வீடுகளில் விளக்கேற்றி அகவணக்கம் செலுத்துவதுதான் ஆத்மசாந்தியையும் மனஅமைதியையும் தரும்.
புலம்பெயர்ந்த நாடுகளில் உள்ளவர்களுக்கு முன்மாதிரியாக சுவிஸ் சூரிச் சிவன்கோவிலில் மாவீரர் நினைவாலயம் அமைக்கப்பட்டுள்ளது. போட்டிகள் மோதல்கள், வியாபார நோக்கங்களுக்குள் சிக்காது சூரிச் சிவன் கோவில் போன்ற ஆலயங்களில் அமைக்கப்படும் நினைவாலயங்களுக்கு சென்று அகவணக்கம் செலுத்துவதே மாவீரர்களின் ஆத்மசாந்தியாக இருக்கும்.
சூரிச் சிவன் கோவில் நிர்வாகம் செய்திருக்கும் இந்த உயரிய பணியை புலம்பெயர்ந்த நாடுகளில் உள்ள அனைத்து சைவ ஆலயங்களும் செய்ய வேண்டும். இதுவே மாவீரர்களுக்கும் மக்களுக்கும் அமைதியை தேடித்தரும்.
புலம்பெயர் தமிழர்கள் தமிழர் விழுமியங்களையும், பண்பாட்டையும், தெய்வவழிபாட்டையும் கைவிடாது தமிழுக்காவும், சைவசமயத்திற்காகவும் அரும்பாடு பட்டு உழைத்து வரும் நாம் எமது விடுதலைக்காக உழைத்து உயிர்நீத்த எமது உடன்பிறப்புகளுக்கு நினைவாலயம் அமைத்து அவர்களை மறவாது தெய்வங்களுக்கு இணையாக ஆலயத்திற்குள்ளேயே வழிபடவேண்டும் என்பதற்காக சுவிஸ் சூரிச் சிவன் கோவிலில் நினைவாலயம் அமைக்கப்படுவதாக அந்த ஆலய நிர்வாகம் அறிவித்துள்ளது.
இந்த நினைவாலயம் எதிர்வரும் 25ஆம் திகதி வெள்ளிக்கிழமை மாலை 7மணிக்கு திறந்து வைக்கப்பட உள்ளது.
மாலை 6மணிக்கு அபிஷேகம், மூலவர் பூசை என்பனவற்றைத்தொடர்ந்து 7மணிக்கு நினைவாலயம் திறக்கப்பட்டு புனிதர்களுக்கான தீப வழிபாடு இடம்பெறும்.
புனித மாவீரர்நாளில் அனைத்து பொதுமக்களும் வருகை தந்து இப்புனிதர்களுக்கு அகவணக்கம் செலுத்துவதோடு ஆத்மசாந்தி பூசைகளிலும் கலந்து கொள்ளுமாறு சைவத்தமிழ் சங்கம் வேண்டுகோள் விடுத்துள்ளது.

சர்ச்சைக்குரிய லண்டன் முத்துமாரி அம்மன் கோவில் தேருக்கு தீ?

சர்ச்சைக்குரிய லண்டன் முத்துமாரி அம்மன் கோவில் தேருக்கு தீ?

Published on November 19, 2011-10:19 am    ·   No Comments

லண்டன் முத்துமாரி அம்மன் கோவிலின் சித்திரத் தோர் கடந்த 16 ஆம் திகதி இரவு 11 மணிக்குத் தீ வைத்து அழிக்கப்பட்டுள்ளதாக அதன் நிர்வாகிகள் அறிவித்துள்ளனர்.
சிவயோகம் அறக்கட்டளை என்ற பெயரில் சீவரத்தினம் என்பவர் இக்கோவிலை நடத்தி வருவதாக தெரிவிக்கப்படுகிறது.
இரவு 11.00 மணியளவில் நான்கு பேர் கொண்ட குழு ஒன்று கோவிலுக்கு தீவைத்ததாக தெரிவித்துள்ளனர். காவல்துறையினருக்கும், தீயணைக்கும் படையினருக்கும் தகவல் கொடுத்ததையடுத்து தீஅணைக்கப்பட்டிருப்பதாகவும் இதனால் ஒரு இலட்சம் பவுண் நஷ்டம் ஏற்பட்டிருப்பதாகவும் ஆலய நிர்வாகத்தினர் தெரிவித்துள்ளனர்.
இக்கோவில் அமைந்திருக்கும் கட்டிடத்தின் குத்தகைக் காலம் மார்ச் 2011 உடன் முடிவடைந்துவிட்டது. நீதிமன்றம் கட்டிடத்தில் இருந்து உடனடியாக வெளியேற வேண்டும் என  தீர்ப்பளித்துள்ளது. ஆனால் அதிலிருந்து வெளியேறாத நிலையில் இத்தீவைப்பு சம்பவம் அறிவிக்கப்பட்டிருக்கிறது.
சிவயோகம் அறக்கட்டளை நிதியத்தை சேர்ந்த சீவரத்தினத்திற்கு விடுதலைப்புலிகள்  2005ஆம் ஆண்டு ஜெயதேவன் நடத்திய கோவிலை பறித்தெடுத்து கொடுத்திருந்தனர். இது தொடர்பாக தொடரப்பட்ட வழக்கில் அக் குற்றத்திற்காக நீதிமன்றம் 40ஆயிரம் பவுண் அபராதம் சிவயோகம் அறக்கட்டளை நிதியத்திற்கு விதித்ததுடன் அக்கோவிலை உடனடியாக ஜெயதேவனிடம் ஒப்படைக்க வேண்டும் என உத்தரவிட்டிருந்தது.
வன்னியில் வைத்து ஜெயதேவனை விடுதலைப்புலிகள் சிறைவைத்துக்கொண்டு அவரிடமிருந்து கோவிலை எழுதி வாங்கியிருந்தனர். இது குற்றம் என தீர்ப்பளித்த பிரித்தானிய நீதிமன்றம் ஆலயத்தை ஜெயதேவனிடம் ஒப்படைக்க வேண்டும் என்றும் 40ஆயிரம் பவுண் நஷ்டஈடாக வழங்க வேண்டும் என்றும் உத்தரவிட்டிருந்தது.
இத்தகைய முறைகேடான செயல்களில் சிவயோகம் அறக்கட்டளை நிதியத்தை சேர்ந்தவர்கள் செயற்பட்டார்கள் என பிரித்தானிய நீதிமன்றத்தால் தண்டிக்கப்பட்டிருந்தார்கள். இந்நிலையில் மார்ச் 2011 உடன் கட்டிடத்தை விட்டு வெளியேற வேண்டும் என நீதிமன்றம் உத்தரவிட்டிருந்த போதிலும் அதிலிருந்து வெளியேறாமல் இருந்த நிலையில் தங்களுடைய ஒரு இலட்சம் பவுண் பெறுமதியான தேரை யாரோ எரித்து விட்டார்கள் என தெரிவித்துள்ளார்கள்.

எக்சல் மண்டப மாவீரர்நாள் நிகழ்ச்சி நடக்காமல் தடுப்பதில் வெற்றிகண்ட குழு?

எக்சல் மண்டப மாவீரர்நாள் நிகழ்ச்சி நடக்காமல் தடுப்பதில் வெற்றிகண்ட குழு?

Published on November 19, 2011-7:29 pm    ·   No Comments

லண்டனில் விடுதலைப்புலிகளின் தலைமைச்செயலகம் ஏற்பாடு செய்த மாவீரர் நாள் நிகழ்ச்சியை  தடுக்கும் முயற்சியில் தமிழர் ஒருங்கிணைப்பு குழு (நெடியவன் குழு) வெற்றிபெற்றுள்ளது.
மாவீரர் நாளை யார் நடத்துவது என்ற போட்டியுடன் தமிழர் ஒருங்கிணைப்புக்குழுவுக்கும் விடுதலைப்புலிகளின் தலைமைச் செயலகத்தினருக்கும் இடையிலான மோதல்கள் உச்சக்கட்டத்தை அடைந்துள்ளன

விடுதலைப்புலிகளின் தலைமைச்செயலகம் முற்பதிவு செய்திருந்த லண்டன் எக்சல் மண்டபத்தில் அவர்கள் மாவீரர் நாளை நடத்த முடியாத நிலை ஏற்பட்டுள்ளது. இதன் மூலம் தலைமைச்செயலகத்தினரை தாம் முறியடித்து விட்டதாக தமிழர் ஒருங்கிணைப்புக்குழுவினர் தெரிவித்துள்ளனர்.

கடந்த காலத்தில் விடுதலைப்புலிகள் மாவீரர் தினத்தைக் கொண்டாட பயன்படுத்திய எக்சல் மண்டபத்தை இம்முறை தாம் பயன்படுத்த விடுதலைப்புலிகளின் தலைமைச்செயலகம்  திட்டமிட்டிருந்தது.  இதற்காக அக்குழுவினர் முன்பதிவையும் செய்திருந்தனர்.

மாவீரர் தினத்தை கொண்டாடுவதற்கு விடுதலைப்புலிகளின் இரு பிரிவினரும் இம்முறை போட்டி போட்டுக்கொண்டிருந்தனர். எக்சல் மண்டபத்தை பெறுவதன் மூலம் தலைமைச்செயலகக் குழு தனது செல்வாக்கை உயர்த்தலாம் என்றும் மாவீரர் தினக் கொண்டாட்டத்திற்கு
கூடுதல் சனத்தை திரட்டலாம் என்றும் எண்ணியிருந்தது.

இதனால் தமிழர் ஒருங்கிணைப்புக்குழு சிறிய இடங்களில் மாவீரர் தினக் கொண்டாட்டத்தை வைக்க வேண்டிய நிர்ப்பந்தத்திற்கு ஆளானது.

இதை முறியடிக்கும் முயற்சியில் பல சூழ்ச்சியிலும் சதியிலும் தமிழர் ஒருங்கிணைப்புக்குழு ஈடுபட்டிருந்தது. இந்த சதியில் தமிழர் ஒருங்கிணைப்புக் குழு வெற்றிபெற்று விட்டதாக அறிவிக்கப்பட்டுள்ளது

எக்சல் மண்டபத்தின் நிர்வாகம் அம்மண்டபத்தை தலைமைச்செயலகக் குழுவிற்கு வழங்குவதை ரத்துச்செய்ததுடன் அதற்காக வைக்கப்பட்ட 50,000 பவுண் முற்பணத்தையும் திருப்பிக் கொடுத்து விட்டது.

எனினும் விடுதலைப்புலிகளின் தலைமைச்செயலகம் வேறு ஒரு இடத்திலாவது மாவீரர்நாள் நிகழ்ச்சியை நடத்துவதற்கு முயற்சி செய்து வருகிறது.

தமிழர் ஒருங்கிணைப்புக்குழுவினரும் மாவீரர் தினத்தைக் கொண்டாடுவதற்காக ஹரோவில் பதிவு செய்த இடமும் ரத்துச் செய்யப்பட்டுள்ளது. தமிழர் ஒருங்கிணைப்புக் குழு மாவீரர் தினத்தை கொண்டாடுவதற்காக லண்டனில் ஐந்து இடங்களை பதிவு செய்திருந்தது. அவற்றில் சில முன்பதிவுகளும் ரத்துச்செய்யபட்டுள்ளன.

தமிழர் ஒருங்கிணைப்புக்குழு என்பவர்கள் போர் நடந்த காலத்தில் விடுதலைப்புலிகளுக்கென மக்களிடம் பணம் சேகரித்துக்கொண்டிருந்தவர்கள் என்றும் அவர்கள்தான் பணபலம் கொண்டவர்கள் என்றும் தெரிவிக்கப்படுகிறது.

விடுதலைப்புலிகளின் தலைமைச்செயலகம் என்பவர்கள் வன்னியில் இறுதிவரை போராட்டத்தில் ஈடுபட்ட போராளிகள். வன்னியில் போரில் விடுதலைப்புலிகள் தோற்கடிக்கப்பட்ட பின்னர் அங்கிருந்து வெளியேறி ஐரோப்பிய நாடுகளில் தஞ்சமடைந்திருக்கும் போராளிகளைக்கொண்டதே தலைமைச்செயலக குழுவினர்.

இவர்களில் உண்மையான விடுதலைப்புலிகள் யார் என்பதை தீர்மானிக்க முடியாத நிலையில் புலம்பெயர் தமிழர்கள் குழப்பி போய் உள்ளனர்.
ஞானச்செல்வன், லண்டன்

ஒபாமா, அவுஸ்திரேலிய பிரதமர் ஜூலியா இடையிலான நெருக்கமான உறவு: அரசியலுக்கு அப்பாற்பட்டது?

அமெரிக்க ஜனாதிபதி பராக் ஒபாமா அவுஸ்திரேலியாவிற்கு
விஜயம் ஒன்றை மேற்கொண்டுள்ளார்.

இருநாடுகளுக்கும் இடையிலான இராணுவ
உறவுகளைப் பலப்படுத்தலே இதற்கான நோக்கம் எனத் தெரிவிக்கப்படுகின்றது.

இவ்விஜயத்தின் போது இரு நாடுகளுக்கிடையில் இராணுவ ரீதியான பல ஒப்பந்தங்கள்
கைச்சாத்திடப்பட்டுள்ளதாகவும் கூறப்படுகின்றது.

எனினும் இவற்றை விடவும்
அவுஸ்திரேலிய பிரதமர் ஜூலியா கிலார்ட் மற்றும் அமெரிக்க ஜனாதிபதி பராக் ஒபாமா
இடையிலான நெருக்கம் தொடர்பில் ஊடகங்களில் பரபரப்பாகப் பேசப்படுகின்றது.

அதாவது ஒபாமாவை விமானநிலையத்தில் வைத்து கிலார்ட் வரவேற்றவிதம் அவர்களிடையே
பரிமாறப்பட்ட முத்தம் என்பனவற்றை புகைப்படங்களுடன் ஊடகங்கள் வெளியிடத்
தொடங்கியுள்ளன.

இது மட்டுமன்றி வேறு சில சந்திப்புகளிலும் பெறப்பட்ட
பல்வேறு புகைப்படங்களையும் ஊடகங்கள் வெளியிட்டுவருகின்றன.

இதேவேளை
இவர்களுக்கிடையிலான நெருக்கம் தொடர்பில் கிலார்டிடம் ஒருதடவை வினவிய போது தாம்
இருவரும் 1961 ஆம்ஆண்டு பிறந்ததாகவும் இதுதான் இந்நெருக்கத்திற்கு காரணமாக
இருக்கலாம் எனவும் அவர் குறிப்பிட்டதாகத் தெரிவிக்கப்படுகின்றது.

கடந்த சில மாதங்களுக்கு முன்னர் லிபியாவின்
முன்னாள் ஜனாதிபதி கடாபி, அமெரிக்க முன்னாள் இராஜாங்க செயலாளர் கொண்டலிசா ரைஸ் மீது
ஈர்ப்புக் கொண்டிருந்ததாக தகவல்கள் வெளியாகியிருந்தமையும் குறிப்பிடத்தக்கது.

___

2 மணி நேரத்தில் அடையாள அட்டை:இரட்டைப் பிரஜhவுரிமை உள்ளோருக்கும் வசதி

‘ஒரே நாள்’ சேவையின் கீழ் இரண்டு மணி நேரத்தில் தேசிய அடையாள அட்டை வழங்கும் நடவடிக்கை 2012 ஜனவரி மாதம் முதல் நடைமுறைப்படுத்தப்படவுள்ளதாக ஆட்பதிவு திணைக்களத்தின் ஆணையாளர் ஜகத் பீ. விஜேவீர தெரிவித்தார்.தினமும் சுமார் 1000 பேர் ஒரே நாள் சேவையின் கீழ் அடையாள அட்டையை பெற்றுக் கொள்வதற்காக திணைக்களத்துக்கு வருகை தருகின்றனர். திணைக்களத்தின் ஏனைய கருமங்களுடன் ஒரே நாள் சேவை நடவடிக்கைகளை மேற்கொள்ளும் போது காலதாமதம் ஏற்படுவதுடன் விண்ணப்பதாரிகளும் அசெளகரியங்களுக்குள்ளாகின்றனர்.

இதன் காரணமாக திணைக்கள பிரதேச கட்டடத்துடன் கூடிய புதிய கட்டடத்தினுள் ஒரே நாள் சேவை மையம் அமையவுள்ளது.

விண்ணப்பதாரிகளின் படிவங்களை பெற்றுக்கொள்வது முதல் அடையாள அட்டையை வழங்குவது வரை இலத்திரனியல் முறையில் இலக்கங்கள் வழங்கப்படும். திரையில் தமக்குரிய இலக்கம் தெரிந்தவுடன் விண்ணப்பத்தை ஒப்படைக்கலாம். அதேபோன்று புதிய அடையாள அட்டை 2 மணி நேரத்துள் தயாரானவுடன் விண்ணப்பதாரிக்குரிய இலக்கம் திரையில் தெரிவிக்கப்படும்.

உரிய விண்ணப்பதாரி கால் கடுக்க நீண்ட நேரம் வரிசையில் நிற்க வேண்டிய தேவை ஏற்படமாட்டாது. தினமும் பிற்பகல் 2.00 மணி வரை விண்ணப்பங்கள் ஏற்றுக்கொள்ளப்படும் எனவும் ஆட்பதிவு ஆணையாளர் ஜகத் பீ. விஜேவீர தெரிவித்தார்.

கொழும்பு – 05 கெப்பிட்டிபொல மாவத்தையிலுள்ள ஆட்பதிவு திணைக்களத்தில் நேற்று விசேட செய்தியாளர் மாநாடொன்று நடைபெற்ற போதே ஆணையாளர் ஜகத் பீ. விஜேவீர மேற்கண்டவாறு தெரிவித்தார்.

இதேவேளை புலம்பெயர்ந்துள்ள இலங்கையர் தாம் இரட்டைப் பிரஜாவுரிமையை பெற்றிருந்தால் தேசிய அடையாள அட்டையை பெற்றுக் கொள்ள முடியும் எனவும் ஆட்பதிவு திணைக்கள ஆணையாளர் ஜகத் பி. விஜேவீர தெரிவித்தார்.

அத்துடன் தமிழகத்திலிருந்து நாடு திரும்பும் தமிழர்களும் தேசிய அடையாள அட்டைக்காக விண்ணப்பிக்க முடியும் என அவர் தெரிவித்தார்.

புலம்பெயர்ந்துள்ள எமது இலங்கையர்கள் இரட்டைப் பிரஜாவுரிமை பெற்றிருக்காவிடின் அதற்காக விண்ணப்பித்த பின்னர் பிரஜாவுரிமை கிடைத்த தினத்திலிருந்து அவர் தேசிய அடையாள அட்டையை பெற தகுதியுடையவராக கருதப்படுவார். இரட்டை பிரஜாவுரிமை பெற்றுக்கொண்ட ஒருவர் ஆட்பதிவு திணைக்களத்தின் 009411583122, 009411585043 என்ற தொலைபேசி இலக்கத்துடன் அல்லது 0094 11 593634, 009411583190 என்ற பெக்ஸ் இலக்கத்தின் மூலமோ அல்லது (

info@rpd.gov.lk

இம்மின்னஞ்சல் முகவரியானது spambots இடமிருந்து பாதுகாக்கப்படுவதால், நீங்கள் இதைப் பார்ப்பதற்கு JavaScript ஐ இயலுமைப்படுத்த வேண்டும்

)  என்ற ஈமெயில் ஊடாகவோ தொடர்புகொண்டு அறிய முடியும் எனவும் ஆட்பதிவு திணைக்கள ஆணையாளர் தெரிவித்தார்.

இதேபோன்று தமிழகத்திலிருந்து நாடு திரும்பும் இலங்கையர் தாங்கள் நாடு திரும்பியதற்கான கப்பல் மூலம் அல்லது விமானம் மூலம் ஆவணத்துடன் தாங்கள் வதியவிருக்கும் பகுதி பிரதேச செயலாளரூடாக தேசிய அடையாள அட்டைக்கு விண்ணப்பிக்க முடியும் என்றும் ஆட்பதிவு திணைக்கள ஆணையாளர் தெரிவித்

லண்டனில் நடக்கும் ஒலிம்பிக் போட்டி பாதுகாப்பு பணியில் ஆயிரம் அமெரிக்க படையினர்!

Published on November 14, 2011-9:56 am    ·   No Comments

லண்டனில் 2012 ஆம் ஆண்டு ஜூலை 27 தொடக்கம் ஓகஸ்ட 12 வரை நடைபெறவிருக்கும் ஒலிம்பிக்ஸ் விளையாட்டுப்போட்டியின் பாதுகாப்பு குறித்து எழுப்பப்பட்டுள்ள கவலையை அடுத்து தனது நாட்டின் விளையாட்டு வீரர்களுக்கும் ராஜதந்திரிகளுக்கும் பாதுகாப்பு வழங்கும் பொருட்டு 1000 பாதுகாப்பு படையினரை அங்கு அனுப்ப அnமிர்க்கா திட்டமிட்டுள்ளது என்று கார்டியன் பத்திரிகை தகவல் வெளியிட்டுள்ளது.

அவர்களில் 500 உளவுப்பிரிவினரும் அடங்குவர் என்றும் அச்செய்தியில் தெரிவிக்கப்பட்டுள்ளது. பிரித்தானிய அரசாங்கம் 10,000 பாதுகாப்பு படையினரை நிறுத்த முடிவு செய்திருந்தது. அதனை 21,000 ஆதிகரிக்க வேண்டிய தேவை ஏற்பட்டுள்ளதாக தெரிவிக்கப்படுகின்றது