‘செய்திகள்’

மாவீரர் தின நிகழ்வுகளுக்கு அரசாங்கம் தடை

மாவீரர் தின நிகழ்வுகளை நடத்துவதற்கு அரசாங்கம் தடை விதித்துள்ளது. மாவீரர் தின நிகழ்வுகள் தொடர்பில் எந்த வகையிலான பிரச்சாரங்களையோ அல்லது நிகழ்வுகளை நடாத்த அனுதியளிக்கப்பட மாட்டாது என ஊடக அமைச்சர் கெஹலிய ரம்புக்வெல்ல தெரிவித்துள்ளார்.
 
பிரச்சாரங்கள், நிகழ்வுகள் மற்றும் வேறு விடயங்களை மேற்கொள்ளக் கூடாது என அவர் குறிப்பிட்டுள்ளார். உலகின் வேறு நாடுகளிலும் மாவீரர் தின நிகழ்வுகளை தடுத்து நிறுத்த இராஜதந்திர வழிகளில் முயற்சி எடுக்கப்பட்டு வருவதாகத் தெரிவித்துள்ளார்.
 
அநுராதபுர சிறைச்சாலையின் பொறுப்பதிகாரி சமயோசிதமாக செயற்பட்டிருக்காவிட்டால் பாரிய அனர்த்தம் இடம்பெற்றிருக்கக் கூடும் என அவர் தெரிவித்துள்ளார். விடுதலைப் புலிச் சந்தேக நபர்கள் மாவீரர் தின நிகழ்வுகளை நடாத்தத் திட்டமிட்டிருந்ததாகவும் அவ்வாறு நடத்தியிருந்தால் சிங்களக் கைதிகளை அவர்களை தாக்க உத்தேசித்திருந்ததாகவும் அமைச்சர் குறிப்பிட்டுள்ளார்.
 
சந்தேக நபர்களிடமிருந்து 19 கையடக்கத் தொலைபேசிகள் மீட்கப்பட்டுள்ளன. கையடக்கத் தொலைபேசிகளில் புலிகள் தொடர்பான படங்கள் உள்ளிட்ட விடயங்கள் காணப்பட்டதாகக் குறிப்பிட்டுள்ளார்

வேலை வழங்குமாறு யாழ் நகரில் பட்டதாரிகள் ஆர்ப்பாட்ட பேரணி

Published on December 2, 2011-9:48 am   ·   No Comments

யாழ்.மாவட்ட வேலையற்ற பட்டதாரிகள் நியமனம் வழங்கக்கோரி இன்று கவனயீர்ப்பு பேரணியென்றை நடாத்தியுள்ளனர்

இன்று காலையில் யாழ்.பெருமாள் கோயில் முன்னறில் ஒன்று கூடிய சுமார் 700 இற்கும் அதிகமான பட்டதாரிகள் அங்கு கலந்துரையாடல் ஒன்றை மேற்கொண்ட பின்னர் அங்கிருந்து பேரணியாக யாழ்.மாவட்டச்செயலகம்  நோக்கி சென்றனர் அங்கிருந்து பின்னர் வடமாகாண ஆளுநரின் செயலாளர் இ.இளங்கோவனின் அலுவலத்தை அவர்கள் சென்றடைந்து அங்கு 5 அம்ச கோரிக்கைகள் அடங்கிய மகஜர் ஒன்றை இளங்கோவனிடம் கையளித்தனர்

இதற்கு பதிலளித்த ஆளுநரின் செயலாளர் இளங்கோவன் இக்கோரிக்கைகள் தொடர்பாக ஆளுநரின் கவனத்திற்கு கொண்டு செல்வதாக தெரிவித்தார். அத்தோடு பேரணியினரையும் கலைந்து செல்லுமாறு கோரிக்கை விடுத்தார்
இதனைத் தொடர்ந்து அவர்கள் அனைவரும் கலைந்து சென்றனர்.

இதேவேளை இப்பேரணியைக்காக ஆளுநரின் செயலாளரின் அலுவலகத்தை சுற்றி கடும் பொலிஸ் பாதுகாப்பு போடப்பட்டிருந்தது

கிளிநொச்சிக்கு சங்கீதம் படிப்பிக்க சென்ற ஆசிரியர் மாணவி மீது காமசங்கீதம்!

Published on December 2, 2011-10:45 am   ·   No Comments

கிளிநொச்சி – வட்டக்கச்சி மகாவித்தியாலயத்திற்கு புதிதாக யாழ்பாணத்திலிருந்து சங்கீத பாடத்திற்கு நியமனம் பெற்றுவந்த திருமணமான இளம் ஆசிரியர் ஒருவர் தரம் எட்டு  மாணவியிடம் பாடசாலையில் வைத்து தகாத முறையில் நடந்து கொண்டமையால் பணிநீக்கம் செய்யப்பட்டுள்ளார்.

இச்சம்பவம் கடந்த வாரம் இடம்பெற்றுள்ளது. இந்த மாணவியின் தந்தை யுத்தத்தின் போது இறந்துவிட்டார். இதனால் தாய் மனநிலை பாதிக்கப்பட்ட நிலையில் காணப்படுகின்றார்.  மாணவி தனது அம்மம்மாவின் பராமரிப்பில் இருந்து வருகின்றார்.  அவர்களின் வறுமையினை தனக்கு சாதகமாக பயன்படுத்தியே இந்த ஆசிரியர் மாணவியிடம் தகாதமுறையில் நடந்து கொண்டார். 

இந்த ஆசிரியர் தற்போது பணியிலிருந்து இடைநிறுத்தப்பட்டுள்ளார். வட மாகாண கல்வித் திணைக்களத்தினர் விசாரணைகள் மேற்கொண்டு வருகின்றனர்.

சதாம் ஹூஸைன் கிராமத்தின் பெயரை மாற்றக்கூடாது ஏறாவூரில் மக்கள் ஆர்ப்பாட்டம்

Published on December 2, 2011-2:21 pm   ·   No Comments

மட்டக்களப்பு ஏறாவூர் பிரதேசத்திலுள்ள சதாம் ஹூஸைன் கிராமத்தை ஈராக் கிராமம் என பெயர் மாற்றம் செய்ய மேற்கொள்ளப்பட்டுவரும் முயற்சிகளுக்கு கண்டனமும் எதிர்ப்பும் தெரிவித்து சதாம் ஹூஸைன் கிராம மக்கள் வீதியிலிறங்கி இன்று ஆர்ப்பாட்டத்தில் ஈடுபட்டனர் 

சதாம் ஹூஸைன் கிராமத்திலுள்ள அல் மஜ்ஜிதுல் பக்தாத் ஜூம்மா பள்ளிவாயலில் வெள்ளிக்கிழமை நண்பகல் ஜூம்மா தொழுகையின் பின்பு பள்ளி வாயல் முன்பு கூடிய நூற்றுக் கணக்கான முஸ்லிம்கள் இந்த ஆர்பாட்டத்தில் ஈடுபட்டனர் 

‘மாற்றாதே மாற்றாதே எமது கிரமத்தின் பெயரை மாற்றாதே’,’எங்கள்கிராமம் சதாம் ஹூஸைன் கிராமம்’ ‘சதாம் ஹூஸைன் கிராமத்தின் பெயரைமாற்றாதே’ உட்பட பல்வேறு வாசக அட்டைகளை ஏந்தியவாறு கோஷங்களை எழுப்பிய வண்ணம் பள்ளிவாயல் முன்றலிலிருந்து பிரதான சந்திவரை கவன ஈர்ப்புப் பேரணியொன்றையும் நடத்தினர். 

இப்பேரணியில் கலந்து கொண்டவர்கள் ‘அல்லாஹூ அஹ்பர்’கோசத்துடன் மர்ஹூம் சதாம் ஹூஸைனை நினைவு கூர்ந்தும் கோசங்களை எழுப்பினர். சதாம் ஹூஸைன் கிராம இஸ்லாமியசமூக நல அபிவிருத்திச் சங்கத்தினரால் இந்த ஆர்ப்பாட்டமும் பேரணியும் ஒழுங்கு செய்யப்பட்டிருந்தது. 

பேரணி முடிவில் தமது கிராமத்தின் பெயரை சதாம் ஹூஸைன் கிராமம் என பதிவு செய்யவேண்டுமென்றும் எக்காரணம் கொண்டும் வேறு பெயரைத் தமது கிராமத்திற்குச் சூட்டக்கூடாது என்று கோரியும் அரசாங்க அதிபருக்கு அனுப்பி வைப்பதற்கான மகஜரில் கிராம மக்களின் கையொப்பங்களும் திரட்டப்பட்டன.

பிரான்ஸின் விளையாட்டுத் துறையில் தமிழ் இளைஞர் சாதனை!

பிரான்ஸின் விளையாட்டுத் துறையில் தமிழ் இளைஞர் சாதனை!

Published on December 1, 2011-8:25 am   ·   No Comments

பிரான்ஸில் வாழும் தமிழ் இளைஞரான கெவின் வலத்தேசர் (Kevin
VALLATHESAR) பாரிஸின் புறநகரான செவி ல றூ chevilly-larue  நகரசபையினால் அதி சிறந்த
விளையாட்டு வீரனாக மதிப்பளிக்கப்பட்டிருக்கிறார். இது ஈழத்தமிழருக்கு கிடைத்த
மற்றுமொரு பெருமையாகும்.

செவி ல றூ விளையாட்டு வீரர்களை கௌரவப்படுத்தும்
மாலை விழா ஒன்று அண்மையில் செவி ல றூவில் இடம்பெற்றபோதே இந்த இளைஞர்
கௌரவிக்கப்பட்டார்.

2011ம் ஆண்டு பெப்ரவரி மாதம் 13ம் திகதி பிரான்சின்
பிராந்தியங்களுக்கிடையிலான மரதன் (Cross Country) ஓட்டப்போட்டி பரிஸ் புறநகர்
பகுதியான பொந்தோ கொம்போவில் ( Pontault-Combault )   நடைபெற்றது. இதில்
வெற்றியீட்டிய கெவினுக்கு 2010- 2011ம் ஆண்டுக்கான விருதும், 2011ம் ஆண்டுக்கான
விளையாட்டுத் துறையின் சிறந்த இளம் சாதனையாளர் விருதும் செவி ல றுவா நகர
விளையாட்டுத்துறை அதிபர் லுக் வொல்வோடிச் (Luc volvoditch), மேயர், கிறிஸ்ரியன்
ஹெர்வே (Christian Hervy) ஆகியோரால் வழங்கப்பட்டது.

சகதி நிறைந்து, ஒழுங்கற்றிருந்த கடினமான பாதையில்
பலதரப்பட்ட அதிக தொகையிலான போட்டியாளர் மத்தியில் கெவின் வலத்தேசர் ஈட்டிய வெற்றி
பிரமிப்பை ஏற்படுத்தியதாக அவரது பயிற்சியாளர் ஒலிவியே சப்பல் (Olivier chapell)
வியந்து பாராட்டியுள்ளார்.

விளையாட்டுத்துறையில் இளையவரான கெவின் தன்னுடன்
போட்டியிட்டவர்களே ஆச்சரியப்படும் வகையில் முன்னணியில் ஓடியதுடன்,  இறுதிவரை
தனக்குப் போட்டியாக இருந்த எட்டுப் பேரையும் பின்தள்ளி இலக்கை அடைந்தது வியந்து
பாராட்டும் வகையில் அமைந்திருந்ததாகவும் பயிற்சியாளர் ஒலிவியே குறிப்பிட்டுக்
கூறினார்.

2010- 11ம் ஆண்டுக்கான இளம் விளையாட்டு வீரராக
கெவின் கௌரவிக்கப்பட்டு விருது வழங்கப்பட்டிருப்பது விசேடமானதும் அதி மேலானதுமான
நிகழ்வு என்று ஒலிவியே சப்பல் தமது செய்தியில் மேலும் குறிப்பிட்டுள்ளார்.

3000 மீற்றர் ஓட்டப் போட்டியில் மாநில வாரியாகவும்
இல் டெ பிரான்ஸ் (Ile de Fraance) பரிஸ் பெரும்பகுதி, பிராந்திய வாரியாகவும் கெவின்
வெற்றி பெற்று சம்பியனாகியதுடன் பிரான்சின் முன்னைய சம்பியனை விட அதிக இடைத் தூர
வித்தியாசத்தில் வெற்;றி பெற்றிருப்பதும் தேசீய ரீதியில் 5வது இடத்தை வகிப்பதும்
இங்கு குறிப்பிடத்தக்கது.

‘கெவின் வலத்தேசரின் இந்த வெற்றி அடுத்த ஆண்டுக்கான
விளையாட்டுப் போட்டிகளிலும் தொடரும் என்ற நம்பிக்கையை எமக்கு
ஏற்படுத்தியிருப்பதுடன் பிரான்ஸ் முழுவதற்குமான சம்பியன் போட்டிகளில் கெவின்
வலத்தேசர் பங்கு கொள்வதற்குமான வாய்ப்பினை ஏற்படுத்தியிருப்பது
மகிழ்ச்சியளிக்கிறது’ என்று ஒலிவியே மேலும் குறிப்பிட்டுள்ளார்.

‘கடந்த ஆண்டில்
விளையாட்டுத் துறையில் பல சாதனைகளைப் புரிந்த கெவின்  மூத்த போட்டியார்களை வெற்றி
கொண்டது பற்றி அவருக்கு எமது வாழ்த்துக்களை தெரிவிக்கின்றோம். இனி வரும்
விளையாட்டுப் போட்டிகளிலும் அவர் வெற்றி வாகை சூட எமது இனிய நல் வாழ்த்துக்களை
தெரிவிப்பதுடன் அதற்கான ஆற்றல், வீரம் அனைத்தும் அவருக்குக் கைகூடும் என்ற
நம்பிக்கையுடன் முற்கூட்டிய பாராட்டுக்களை தெரிவிப்பதாகவும் ஒலிவியே
வாழ்த்தியுள்ளார்.

மீள்குடியேற்றம் என இமெல்டா பிரசாரம்- இராணுவத்தினர் மக்களை அடித்து விரட்டினர்

Published on November 29, 2011-4:55 pm   ·   No Comments

கோப்பாய் பிரதேச செயலகப்பிரிவில் உள்ள வளலாய் மற்றும்
இடைக்காடு ஆகிய கிராம சேவையாளர் பிரிவுகளில் மீள்குடியேற்ற த்திற்கு என
அழைத்துச்செல்லப்பட்ட பொது மக்கள் ஏமாற்றத்துடன் தமது வீடுகளை கூட பார்வையிட
முடியாதவர்களாய் இராணுவத்தினரால் திருப்பி அனுப்பட்டனர்

கோப்பாய் பிரதேச செலயகப்பிரிவுக்குட்பட்ட
இப்பகுதியிலிருந்து 1990ம் ஆண்டு முதல் மக்கள் இடம்பெயர்ந்திருந்தனர். இன்நிலையில்
இன்று அப்பகுதியில் மீள்குடியேற்றதிற்கென மக்கள் அழைத்துச்செல்லப்பட்டனர்  இதனைத்
தொடர்ந்து வளலாய் பிள்ளையார் கோவில் முன்னறில் மீள்குடியேற்ற பிரசாரக்கூட்டம்
வலிகாமம் கிழக்கு பிரதேச செயலாளர் ம.பிரதீபன் தலைமையில் நடைபெற்றது  யாழ்.அரச
அதிபர் திருமதி இமெல்டா சுகுமார் மற்றும் யாழ்.மாவட்ட இராணுவக்கட்டளைத்தளபதி மேஜர்
ஜெனரல் மகிந்த ஹத்துருசிங்கே ஆகியோர் கலந்து கொண்டனர்

நிகழ்வில் அரச அதிபரும் இராணுவத்தளபதியும் மாறிமாறி
ஒருவரை ஒருவர் புகழ்ந்து தள்ளியதுடன் ஜனாதிபதி மகிந்தராஜபக்ஷவையும் புகழ்ந்தனர்
இதனைத் தொடர்ந்து மக்கள் நீங்கள் உங்கள் சொந்த இடங்களுக்கு செல்லலாம் என்று கூறி
அவர்கள் இருவரும் புறப்பட்டுச்சென்றனர்.

மக்கள் தங்கள் வீடுகளுக்கு செல்ல முற்பட்ட
வேளையில்  அப்பகுதிகளுக்குப் பொறுப்பான இராணுத்தினர் அவர்களை அவர்களது சொந்த
இடங்களையும் வீடுகளையும் பார்க்க விடாது தடுத்ததோடு அவர்களை அப்பகுதிக்கே
செல்லக்கூடாது என்று அடித்து விரட்டனார்கள்

இதனைத் தொடர்ந்து பிரதேச செயலாளரிடம் மக்கள்
முறையிட்ட போது பிரதேச செயலாளர் இராணுவத்தினருடன் பேசினார். அதன் பின்னர் இங்கு
மீள்குடியேற முடியாது. வீதி ஓரமாக சென்று வீடுகளை பார்த்துவிட்டு திரும்ப வேண்டும்
என உத்தரவிட்டனர்.

மக்கள் எவரும் உள்ளே
செல்லவோ அல்லது வீதியை விட்டு இறங்கவோ இராணுவத்தினர் அனுமதிக்கவில்லை. 15
நிமிடங்களுக்குள்  மக்கள் அனைவரையும் இராணுவத்தினர் அடித்து
விரட்டினார்கள்
இதனைத் தொடர்ந்து அப்பகுதிக்கு மீள்குடியேற்றத்திற்கென அழைத்து
வரப்பட்ட மக்கள் அரச அதிபரையும் இமெல்டா சுகுமாரையும், இராணுவத்தளபதி
ஹத்துருசிங்காவையும்  திட்டிக்கொண்டே தமது வீடுகளுக்கு திரும்பி சென்றனர்

மின்னேரியா இரகசியத் தடுப்பு முகாமில் கேணல் நகுலன் படுகொலை

Published on November 29, 2011-11:04 am   ·   No Comments

(By lankanewsweb) தமிழீழ விடுதலைப்புலிகளின் தளபதிகளில்
ஒருவரான கேணல் நகுலன் மின்னேரியாவில் உள்ள சிறிலங்கா இராணுவத்தின் இரகசியத் தடுப்பு
முகாமில் வைத்து படுகொலை செய்யப்பட்டுள்ளதாக மிகவும் நம்பகரமான தகவல் மூலம் ‘லங்கா
நியூஸ் வெப்‘ இணையத்தளத்திற்கு தகவல் கிடைத்துள்ளது.

கேணல் நகுலன் என்று அழைக்கப்பட்ட யாழ்ப்பாணத்தைச்
சேர்ந்த சின்னத்தம்பி கணபதிப்பிளை சிவமூர்த்தி, கடந்த 2009ம் ஆண்டின் பிற்பகுதியில்
சிறிலங்கா இராணுவப் புலனாய்வுப் பிரிவினரால் திருகோணமலையில் வைத்து கைது
செய்யப்பட்டிருந்தார்.

மின்னேரியாவில் உள்ள இரகசியத் தடுப்புமுகாம்
ஒன்றில் தடுத்து வைக்கப்பட்டிருந்த அவர் படுகொலை செய்யப்பட்டுள்ளதாக நம்பகமான
தகவல்கள் தெரிவிக்கின்றன. 2009 மே 18ம் நாள் விடுதலைப் புலிகள் இயக்கம்
தோற்கடிக்கப்பட்ட பின்னர், எஞ்சியிருந்த விடுதலைப் புலிகளின் இரண்டு அணிகளில்
ஒன்றினது தலைவராக கேணல் நகுலன் செயற்பட்டிருந்தார்.

சாள்ஸ் அன்ரனி சிறப்புப் படையணியின் சிறப்புத்
தளபதியாக இருந்த இவர், 2007 இல் மட்டக்களப்பின் மீதான கட்டுப்பாட்டை புலிகள் இழந்த
பின்னர், மட்டக்களப்புக்கான தளபதியாக நியமிக்கப்பட்டிருந்தார்.

2007 மே 23ம் நாள் ஏறாவூரில் இடம்பெற்ற மோதல்
ஒன்றில் மரணமான விடுதலைப் புலிகள் இயக்கப் போராளிகளின் சடலங்களுக்கு அருகே கிடந்த
கேணல் நகுலனின் அடையாள அட்டையை வைத்து, அவர் கொல்லப்பட்டு விட்டதாக, 2007 ஜுன் 8ம்
நாள் சிறிலங்கா பாதுகாப்பு அமைச்சின் இணையத்தளத்தில் குறிப்பிடப்பட்டிருந்தது.

சான்று : ”Colonel”
Nagulan’s silent burial; LTTE’s sanctimony over offering final rights

ஆனால், கேணல் ராமுடன் செய்மதி தொலைபேசி மூலம்
கொண்டிருந்த தொடர்பாடல் சமிக்ஞையை அடிப்படையாக கொண்டு, திருகோணமலையில் வைத்து கேணல்
நகுலனை 2009 பிற்பகுதியில் சிறிலங்கா புலனாய்வுப் பிரிவினர் கைது
செய்திருந்தனர்.

கேணல் நகுலன் கொல்லப்பட்டு விட்டார் என்று ஏற்கனவே
பாதுகாப்பு அமைச்சு அறிவித்து விட்டதால், தமது செய்தி பொய்யாகி விடும் என்பதாலும்,
புலம்பெயர் தமிழர்களுடன் இவர் நெருக்கமான தொடர்புகளை வைத்திருந்ததாலும், இவரது கைது
பற்றி எந்தவொரு ஊடகங்களுக்கும் தெரிவிக்காமல், சிறிலங்கா அரசாங்கம் இரகசியமாகவே
வைத்திருந்தது.

ஆனால், புலம்பெயர் தமிழர்கள் பற்றிய தகவல்களை கேணல்
நகுலனிடம் இருந்து பெறுவதற்கு பலமுறை இராணுவப் புலனாய்வுப் பிரிவினர் மேற்கொண்ட
முயற்சி தோல்வியடைந்தது.

சிறிலங்கா படையினருடன் ஒத்துழைக்க மறுத்ததால்,
கேணல் நகுலன் கடுமையாக சித்திரவதை செய்யப்பட்ட போதும், அவரிடம் இருந்து எந்தத்
தகவலையும் பெறமுடியவில்லை. இந்தநிலையில், அவர் எந்தவகையிலும் பயன்படமாட்டார் என்று
உணர்ந்து கொண்ட இராணுவப் புலனாய்வாளர்கள், உயர்மட்ட பணியகத்தில் இருந்து வந்த
உத்தரவை அடுத்து, கேணல் நகுலனை படுகொலை செய்துள்ளனர்.

கேணல் நகுலன் தடுத்து வைக்கப்பட்டிருந்த மின்னேரியா
தடுப்பு முகாமில் மேலும் பல புலிகள் இயக்கத் தலைவர்கள் தடுத்து வைக்கப்பட்டுள்ளனர்
என்றும் அந்தத் தகவல்கள் மூலம் தெரியவந்துள்ளது.

மகிந்த ராசபக்சவை கொலை செய்ய சதிசெய்தார்- கனகரத்தினத்தின் மகன் மீது குற்றப்பத்திரிகை!

Published on November 29, 2011-1:42 pm   ·   No Comments

ஜனாதிபதி மகிந்த ராஜபக்ச, பாதுகாப்புசெயலாளர் கொதபாயா
ராஜபக்ச மற்றும் முன்னாள் ராணுவத்தளபதி சரத் பொன்செகா ஆகியோரை கொலை செய்ய சதி
செய்ததாக முன்நாள் தமிழ் தேசியக் கூட்டமைப்பு பாராளுமன்ற உறுப்பினரும், தற்போது
சிறிலங்கா சுதந்திரக்கட்சி அமைப்பாளராகவும் இருக்கும்  சதாசிவம் கனகரத்தினத்தின்
மகன் ஆதித்யன் (வயது 32) மீதும் மற்றும் ஒருவர் மீதும் குற்றம் சாட்டி சட்டமா
அதிபர் கொழும்பு மேல்நீதிமன்றத்தில் நேற்று குற்றப்பத்திரிகை தாக்கல்
செய்துள்ளார்.

வன்னி யுத்தத்தின் இறுதிக்கட்டத்தில் சதாசிவம்
கனகரத்தினம் இடம்பெயர்ந்தவர்களுடன் வசித்து வந்தார்.   பின்னர் கடைசி நாட்களில்
இடம்பெயர்ந்தவர்களுடன் அரச கட்டுப்பாட்டுப்பகுதிக்குள் வந்தார். அவர் பின்னர் கைது
செய்யப்பட்டு எட்டு மாதங்கள் தடுத்து வைக்கப்பட்டார். அதன்  பின்னர்
விடுவிக்கப்பட்டார்.

2010 ஆம் ஆண்டு ஜனாதிபதித் தேர்தலில் அவர் மகிந்த
ராஜபக்சாவை ஆதரி;த்தார். அதே ஆண்டு ஆளும் கட்சி வேட்பாளராக வன்னி மாவட்டத்தில்
போட்டியிட்டார். ஆனால் பாராளுமன்றத்திற்கு அவர் தெரிவாகவில்லை.

விடுதலைப்புலிகளே மக்களை கொன்றார்கள் என்றும்
மக்களை மனித கேடயங்களாக பயன்படுத்தினார்கள் என்றும் கனகரத்தினம் இராணுவத்தினரால்
விடுதலை செய்யப்பட்ட பின்னர் கூறியிருந்தார்.  மிக தீவிரமான மகிந்த ராசபக்ச
ஆதரவாளராக கனகரத்தினம் மாறிய போதிலும் அவரின் மகன் ஆதித்யன் மீது பயங்கரவாத
தடைச்சட்டத்தின் கீழ் குற்றப்பத்திரம் தாக்கல் செய்யப்பட்டுள்ளது. இவர் தற்கொலை
தாக்குதலை நடத்துவதற்காக கொழும்பில் தங்கியிருந்த போது கைது செய்ததாக
குற்றப்புலனாய்வுப்பிரிவினர் தெரிவித்திருந்தனர்

இணையத்தில் அதிகளவில் வருவாய் ஈட்டும் தளங்கள்!

இணையத்தில் அதிக வருவாய் ஈட்டும்
தளம் எது என்ற கேள்வி எழுந்தால், நம்மில் பலர் அளிக்கும் பதில் கூகுள் அல்லது
பேஸ்புக் என்றே இருக்கும்.

எனினும் உண்மை அதுவல்ல. இணையத்தில் அதிக வருவாய்
ஈட்டும் தளம் அமேசன்.கொம் ஆகும்.

சுயாதீன நிறுவனமொன்று நடத்திய
ஆய்வொன்றிலேயே இத்தகவல் வெளியாகியுள்ளது.

அந்நிறுவனத்தின் ஆய்வுப்படி
அதிகம் பணமீட்டும் நிறுவனங்கள் பட்டியல் இதோ :

1. Amazon

இணையத்தில் பொருட்களை வாங்க உதவும் தளம் இது. பொருட்களை வாங்குவதற்கான
ஒன்லைன் சந்தையாக விளங்கும் இது, விநாடிக்கு $776.66 படி. இதன் மொத்த வருடாந்த
வருவாய் $24,509,000,000 ஆகும்.

2. Google

இணைய உலகில் கூகுள்
தொடர்பில் அறியாதவர் எவருமிலர் எனலாம். இதன் வருட வருமானம் $23,650,560,000. ஒரு
வினாடிக்கு $749.46 ஆகும்.

3. Comcast

அதிகம் சம்பாதிக்கும்
பட்டியலில் இந்த தளம் மூன்றாம் இடத்தில் உள்ளது. இந்தத் தளத்தின் ஆண்டு வருமானம்
$8,727,360,000 ஆகும். சராசரியாக ஒரு வினாடிக்கு 276.56$ சம்பாதிக்கிறது.

4. ebay

Amazon தளத்தை போன்று இதுவும் ஒன்லைனில் பொருட்களை
வாங்கவும், விற்பனை செய்யவும் உதவும் இணையதளம். வினாடிக்கு 276.56$ ஐயும் ஆண்டுக்கு
$8,727,360,000 ஐயும் இது சம்பாதிக்கின்றது.

5. Yahoo

இணையத்தில்
மிகப்பிரபலமான தளம் இது. இதனுடைய ஆண்டு வருமானம் $6,460,000,000 ஆகும். சராசரியாக
ஒரு வினாடிக்கு $204.71 ஆகும்.

6.Reuters

செய்தித்தளமான இது
வினாடிக்கு 107$ வருமானமும் ஆண்டுக்கு $ 3,400,000,000 வருமானமும்
பெற்றுக்கொள்கின்றது.

7. AOL

இந்தத் தளம் வினாடிக்கு 99.41$ம்,
ஆண்டுக்கு $3,137,100,000ம் வருமானமாகப் பெற்றுக்கொள்கின்றது.

8. Expedia

பயணம் செய்பவர்களுக்கு இது பயனுள்ள தளமாகும். டிக்கெட்டுகள் வாங்குவதில்
இருந்து விமானங்களின் நேரங்கள் மற்றும் பல தகவல்களை இதன் மூலம் அறிந்து கொள்ளலாம்.
இந்தத் தளம் வருடத்திற்கு $2,937,010,000 வருமானம் பெற்றுத் தருகிறது. இதன் ஒரு
வினாடிக்கான வருமானம் $93.07 ஆகும்.

9. Paypal

ஒன்லைனில் பணம்
பரிமாற்றம் செய்யும் அனைவருக்கும் இந்த தளம் பற்றி தெரிந்திருக்கும். உலகம்
முழுவதும் பணப் பரிமாற்றம் செய்ய மிகப் பிரபலமான பயனுள்ள இணைய தளம் இது. இந்தத்
தளம் வினாடிக்கு 91.90$ படி ஆண்டுக்கு $2,900,000,000 சம்பாதிக்கிறது.

10.
iTunes

பட்டியலில் பத்தாவது இடத்தில் இருப்பது அப்பிள் நிறுவனத்தின் iTunes
இணைய தளமாகும். இந்தத் தளத்தின் ஒரு வினாடிக்கான வருமானம் 60.21$. ஆண்டுக்கு
$1,900,000,000 வருமானம் இந்த தளம் மூலம் பெற்றுக் கொள்கின்றது அப்பிள்.

பலரது விருப்பத்திற்குரிய பேஸ்புக், இப்பட்டியலில் பெற்றுக் கொண்டுள்ள இடம்
16. இதன் ஆண்டு வருமானம் $1,000,000,000 .வினாடிக்கு $31.69.

தாயகத்தை கண்முன்நிறுத்திய பிரான்ஸ் மாவீரர் நாள் ! ஒன்றுபட்டு மாவீரர்களை வணங்கினர்

தாயகத்தை கண்முன்நிறுத்திய பிரான்ஸ் மாவீரர் நாள் ! ஒன்றுபட்டு மாவீரர்களை வணங்கினர்

Published on November 27, 2011-8:51 pm    ·

தமிழர் தாயகத்தில் மாவீரர் துயிலும் இல்ல மாவீரர் நாளை கண்முன் கொண்டுவந்த மாவீரர் நாள் நிகழ்வாக பிரான்ஸ் மாவீரர் நாள் நிகழ்வுகள் அமைந்துள்ளன. பாரிசின் புறநகர் பகுதியான ஸ்ரான்- லாகூர்னெவ் திறந்தவெளி திடலில் அமைக்கப்பட்ட துயிலும் இல்லத்தில் இந்த மாவீரர் நாள் நடைபெற்றுள்ளது.

தமிழீத் தேசியத்துக்கான விடுதலை அமைப்புக்கள் – தமிழர் பொது அமைப்புக்கள் – விடுதலைச் செயற்பாட்டாளர்களின் கூட்;டிணைவாக அமையப்பெற்ற பிரான்ஸ் மாவீரர் நாள் ஏற்பாட்டுக்குழுவினால் ஓருங்குபட்டுத்தப்பட்ட இந்த மாவீரர் நாளில் மதியம் 2500க்கும் மேற்பட்ட மக்கள் பங்கெடுத்து மாவீரர்களுக்கு வணக்கம் செலுத்தியுள்ளனர்.

தாயகத்தில் இடம்பெறுகின்ற மாவீரர்நாள் முன்னெடுப்பு மரபுக்கமைய இத்திறந்தவெளி மாவீரர் நாள் நிகழ்வுகள் இடம்பெற்றுள்ளன.

1000க்கும் மேற்பட்ட கல்லறைகள் அமைக்கப்பட்டதோடு மாவீரர் நினைவாவய முகப்பலங்காரம் என தாயகத்தை கண்முன் நிறுதத்தியதாக இத்திறந்தவெளித் திடல் அமைக்கப்பட்டிருந்தது. விடுதலைப்புலிகளின் தலைமைச் செயலகத்தின் மாவீரர் நாள் அறிக்கை புலிகளின் குரல் வானொலியூடாக ஒலிபரப்பபட்டதோடு நாடுகடந்த தமிழீழ அரசாங்கத்தின் பிரதமர் வி.உருத்திரகுமாரனின் மாவீரர் நாள் செய்தி வாசிக்கப்பட்டது.

தாயகத்து துயிலும் இல்ல மாவீரர் நாளை தரிசிக்க முடியாமல் போனவர்களுக்கு இந்த திறந்தவெளி துயிலும் இல்ல மாவீரர் நாள் மனநிiவைத் தந்ததோடு அனைவரைக்கும் உணர்வுபூர்வமான நிகழ்வாக அமைந்திருந்தது.