‘இலங்கை செய்திகள்’

வடபகுதி கடற்பரை பிரதேசம் மலேசியாவுக்கு விற்பனை!

வடபகுதி கடற்பரை பிரதேசம் மலேசியாவுக்கு விற்பனை!

Published on November 22, 2011-9:20 am ·

காங்கேசன்துறையிலிருந்து காரைநகர் வரையான கரையோரப் பகுதிகளை மலேசிய அரசாங்கத்தின் காற்றாடி மூலமான மின்சாரம் பெறும் திட்டத்திற்கு ஒதுக்கப்பட்டுள்ளது.
இதற்கான ஒப்பந்தத்தை சிறிலங்கா அரசாங்கம் மலேசிய அரசாங்கத்துடன் செய்துள்ளதால் அப்பகுதியில் மக்கள் மீள்குடியேறவதற்கோ அல்லது அப்பகுதியின் உள்கட்டுமான அபிவிருத்திகளை செய்வதற்கோ இராணுவத்தினர் தடை விதித்துள்ளனர்.

இந்த பகுதியில் ஏதாவது அபிவிருத்தி பணிகள் மற்றும் மிள்குடியேற்றம் செய்வதாக இருந்தால் மலேசிய அரசாங்கத்தின் அனுமதியை பெற வேண்டும் என இப்பகுதி இராணுவத்தினர் கூறி வருகின்றனர்.

மலேசிய அரசாங்கத்தின் இத்திட்டம் தொடர்பாக பொதுமக்களுக்கோ, பொது அமைப்புக்களுக்கோ அறிவிக்கப்படாத நிலையிலேயே இத்திட்டம் நடைமுறைப்படுத்தப் பட்டுள்ளமை குறிப்பிடத்தக்கது.

புதையல் தோண்டிய இராணுவத்தினர் கையும் மெய்யுமாக பிடிபட்டனர்

புதையல் தோண்டிய இராணுவத்தினர் கையும் மெய்யுமாக பிடிபட்டனர்!

Published on November 22, 2011-9:15 am ·

பொத்துவில் பிரதேச காட்டுப் பகுதியில் புதையல் தோண்டிய நான்கு இராணுவத்தினர் உட்பட பத்துப் பேரை காவல்துறையினர் கைது செய்துள்ளனர்;. புதையலில் இருந்து எடுக்கப்பட்ட மாணிக்கக் கற்கள் பளிங்குக்கற்கள் போன்றவற்றை காவல்துறையினர் மீட்டுள்ளனர்.

காவல்துறையினருக்கு கிடைத்த தகவல் ஒன்றினையடுத்து பொத்துவில் பாணமை பிரதான வீதியில் இருந்து 8 கிலோமீற்றர் தூரம் கொண்ட காட்டுப்பகுதியில் புதையல் தோண்டிக் கொண்டிருந்தவர்களை சுற்றிவளைத்தபோது மூன்று பேர் கைது செய்யப்பட்டதுடன் ஏனையவர்கள் தப்பியோடினர்.

இச்சம்பவத்தில் தப்பிச் சென்றவர்களிடம் புதையலிலிருந்து எடுக்கப்பட்ட மாணிக்கக் கற்கள் பளிங்குக் கற்கள் இருந்ததாகவும், இதில் நான்கு பேர் இராணுவத்தினர் எனவும் கைது செய்யப்பட்ட மூன்று பேரிடமும் காவல்துறையினர் மேற்கொண்ட விசாரணையின் போது தெரியவந்தது.

இதனையடுத்து தலைமறைவாகிய 4 இராணுவத்தினரையும் ஏனைய இருவரையும் காவல்துறையினர் கைது செய்தனர். அவர்களிடமிருந்து புதையலிலிருந்து எடுக்கப்பட்ட மாணிக்கக்கற்கள் பளிங்குக்கற்கள் போன்றவற்றை மீட்டுள்ளனர்.
கைது செய்யப்பட்டவர்கள் பண்டாரவளை மற்றும் பிறமாவட்டங்களை சேர்ந்தவர்கள் என காவல்துறையினர் தெரிவித்தனர்.

யாழ்ப்பாணத்தில் உயரதிகாரிகளாக சிங்களவர்கள் நியமனம்- மொழி புரியாது மக்கள் அவதி!

யாழ்ப்பாணத்தில் உயரதிகாரிகளாக சிங்களவர்கள் நியமனம்- மொழி புரியாது மக்கள் அவதி!

Published on November 22, 2011-9:12 am ·

யாழ்.மாவட்டத்தில் உள்ள அரச திணைக்களங்கள், சபைகளுக்கு சிங்கள அதிகாரிகளை நியமிக்கும் நடவடிக்கையில் அரசாங்கம் தீவிரமாக ஈடுபட்டு வருகிறது.

வீதி அபிவிருத்தி அதிகாரசபை, சமுர்த்தி அதிகாரசபை, மின்சாரசபை, பிரதேசசெயலகங்கள் உட்பட முக்கிய பொறுப்புகளுக்கு சிங்களவர்களே நியமிக்கப்பட்டு வருகின்றனர். வடமாகாண ஆளுநரின் அலுவலகத்தில் சிற்றூழியர் தொடக்கம் அதிகாரிகள் வரை அனைவரும் சிங்களவர்களே நியமிக்கப்பட்டுள்ளனர்.

அரச திணைக்களங்கள், கூட்டுத்தாபனங்கள் சபைகளின் மாவட்ட தலைமை பதவிகளுக்கு சிங்களவர்கள் நியமிக்கப்படுவதால் தீர்மானத்தை எடுப்பவர்களாக அவர்களே உள்ளனர். பொதுமக்கள் தமது பிரச்சினைகளை அவர்களிடம் எடுத்துக்கூற முடியாத மொழிப்பிரச்சினை காணப்படுகிறது என யாழ். மாவட்ட பொது நிறுவனங்களின் பிரதிநிதிகள் தெரிவிக்கின்றனர்.

சிங்கள அதிகாரிகளுக்கு தமிழ், ஆங்கில மொழிகள் அறவே தெரியாது. வடபகுதி பொதுமக்களுக்கு சிங்களம் தெரியாது. இதனால் பொது மக்கள் பெரும் சிரமங்களை எதிர்நோக்குகின்றனர்.

பொதுமக்கள் தமிழில் எழுதும் கடிதங்கள், மற்றும் படிவங்களை அறிந்து கொள்ள முடியாதவர்களாக சிங்கள அதிகாரிகள் காணப்படுகின்றனர். இதனால் சிங்களத்தில் எழுதப்படும் கடிதங்களுக்கே பதிலளிக்கும் நிலையும் காணப்படுகிறது. இந்நிலை தொடர்ந்தால் யாழ்ப்பாணம் உட்பட வடபகுதியில் சிங்களத்தில் தான் அனைவரும் அலுவலகங்களுக்கு கடிதம் எழுத வேண்டிய நிலை ஏற்படும் என பொதுமக்கள் சுட்டிக்காட்டியுள்ளனர்.

வீதி அபிவிருத்தி அதிகார சபையின் யாழ். அலுவலக உத்தியோகத்தர்களாக 7 சிங்களவர்கள் நியமிக்கப்பட்டுள்ளனர். வீதி அபிவிருத்தி வேலைகளிலும் சிங்கள தொழிலாளர்களே ஈடுபடுத்தப்பட்டுள்ளனர்.

ஏற்கனவே இலங்கை மின்சார சபையின் யாழ். பிராந்தியப் பிரதிப் பொது முகாமையாளராக சிங்களவர் ஒருவர் நியமிக்கப்பட்டுள்ளார்.

யாழ். மாவட்டத்தில் உள்ள பல பிரதேச செயலகங்களுக்கு உதவிப் பிரதேச செயலர்களாகச் சிங்களவர்கள் நியமிக்கப்பட்டுள்ளனர்.

அண்மையில் மன்னார் மாவட்டத்தின் அரச அதிபராகவும் சிங்களவர் ஒருவர் நியமிக்கப்பட்டுள்

பசை உள்ள இடத்திற்கு தாவ உள்ள பச்சோந்திகள்

பசை உள்ள இடத்திற்கு தாவ உள்ள பச்சோந்திகள்

Published on November 21, 2011-8:56 am ·

வரவு செலவுத் திட்டம் நாடாளுமன்றில் இன்று சமர்ப்பிக்கப்பட்ட பின்னர் எதிர்க்கட்சி நாடாளுமன்ற உறுப்பினர்கள் சிலர் அரசு பக்கம் தாவ உள்ளனர் என கொழும்பில் உள்ள அரசு சார்பு ஊடகங்கள் தெரிவித்துள்ளன.
அரச தரப்பு முக்கியஸ்தர்களுக்கும், கட்சி தாவ உள்ளோர்களுக்குமிடையே இடம்பெற்ற பேச்சுகள் சுமுகமாகவும் சாதகமாகவும் முடிவடைந்துள்ளன என்று அந்த செய்தியில் தெரிவிக்கப்பட்டுள்ளது.
ஐக்கிய தேசியக் கட்சி சார்பில் கொழும்பு மாவட்டத்தைப் பிரதிநிதித்துவப்படுத்தும் நாடாளுமன்ற உறுப்பினர் ஒருவரே கட்சி தாவும் பட்டியலில் முதன்மை வகிக்கின்றார் என்று கூறப்படுகின்றது.
அடுத்தபடியாக ஐ.தே.க. சார்பில் மாத்தறை மாவட்டத்தைப் பிரதிநிதித்துவப்படுத்தும் நாடாளுமன்ற உறுப்பினர் ஒருவரும் அரசுடன் இணையவுள்ளார் என அந்த செய்தியில் தெரிவிக்கப்பட்டுள்ளது

ஊடகவியலாளர்களுக்கு சவப்பெட்டிகள் தயார் நிலையில்- கஜேந்திரன் பணியில் மேர்வின்!

ஊடகவியலாளர்களுக்கு சவப்பெட்டிகள் தயார் நிலையில்- கஜேந்திரன் பணியில் மேர்வின்!

Published on November 21, 2011-8:59 am ·

அரசாங்கத்திற்கு அவதூறு ஏற்படும் வகையிலான தகவல்களை வெளியிடுகின்ற ஊடகவியலாளர்கள் தமக்காக சவப்பெட்டி ஒன்றை தயார்படுத்திக் கொள்ளுமாறு சிறிலங்கா மக்கள் தொடர்பு அமைச்சர் மேர்வின் சில்வா, ஊடகவியலாளர்களை எச்சரித்துள்ளார்.
கட்டுநாயக்க பிரதேசத்தில் நடைபெற்ற நிகழ்ச்சி ஒன்றில் கலந்து கொண்டு உரையாற்றுகையிலேயே மேர்வின் சில்வா, இந்த எச்சரிக்கையை விடுத்துள்ளார்.
தற்போது சில ஊடகவியலாளர்களின் செயற்பாடுகள் திருப்தி அளிப்பதாக அமையவில்லை எனவும் நாட்டின் முக்கிய நபர்களுக்கு அவதூறு ஏற்படும் வகையில் பொய்யான செய்திகளை அவர்கள் வெளியிடுவதாகவும் மேர்வின் சில்வா குற்றஞ்சாட்டினார்.
டொலர்களைப் பெற்றுக் கொள்ளும் நோக்கிலேயே அவர்கள் இவ்வாறு அரசாங்கத்திற்கு எதிராக தகவல்களை வெளியிடுவதாகவும், தமக்கு எதிராகவும் சிலர் இவ்வாறான சேறு பூசல் நடவடிக்கையில் ஈடுபட்டுள்ளதாகவும் அவற்றுக்கு தாம் ஒருபோதும் அஞ்சப் போவதில்லை எனவும் மேர்வின் சில்வா தெரிவித்துள்ளார்.

பாதுகாப்பு அமைச்சுக்கு பெருந்தொகை நிதி ஒதுக்கீடு செய்யும் வரவு செலவு திட்டம் நாடாளுமன்றத்தில்

பாதுகாப்பு அமைச்சுக்கு பெருந்தொகை நிதி ஒதுக்கீடு செய்யும் வரவு செலவு திட்டம் நாடாளுமன்றத்தில்!

Published on November 21, 2011-8:50 am ·

2012 ஆம் ஆண்டுக்கான வரவு செலவுத் திட்டத்தை நிதியமைச்சர் என்ற வகையில் சிறிலங்கா அதிபர் மஹிந்த ராஜபக்ஷ நாடாளுமன்றில் இன்று சமர்ப்பிப்பார்.பிற்பகல் 1.30 மணியளவில் வரவு செலவு திட்டத்தை சபையில் சமர்ப்பித்து விசேட உரையொன்றையும் நிகழ்த்தவுள்ளார். மஹிந்த ராஜபக்ஷ பதவியேற்றபின்னர் அவரால் சமர்ப்பிக்கப்படும் 6 ஆவது வரவு செலவுத் திட்டம் இதுவாகும்.
பல்வேறு தரப்பினர்களிடமிருந்தும் கருத்துகள் பெறப்பட்டு இந்த முறை தயாரிக்கப்பட்டுள்ள வரவு செலவுத்திட்டம் நாளை செவ்வாய்க்கிழமை நாடாளுமன்றில் விவாதத்திற்கு விடப்படும் என அரசாங்கம் தெரிவித்துள்ளது. வரவு செலவுத்திட்டம் மீதான இரண்டாம் வாசிப்பு எதிர்வரும் 30 ஆம் திகதி புதன்கிழமைவரை நடைபெறும். அத்துடன், அன்றையதினம் மாலை 3 மணிக்கு வாக்கெடுப்பு நடத்தப்படும் என அறிவிக்கப்பட்டுள்ளது.
அதன்பின்னர் டிசம்பர் மாதம் முதலாம் திகதி ஆரம்பமாகும் வரவு செலவுத்திட்டம் மீதான விவாதம் டிசம்பர் 21 ஆம் திகதிவரை நடைபெறும். அன்று இறுதி வாக்கெடுப்பு நடத்தப்படவுள்ளது. இக்காலப்பகுதிக்குள் ஆளும் கட்சி நாடாளுமன்ற உறுப்பினர்கள் எவரும் வெளிநாடு செல்லக்கூடாது என அரசு அறிவித்துள்ளது
வழமைபோல் இந்தத் தடவையும் பாதுகாப்பு அமைச்சுக்கே அதிகளவு நிதி ஒதுக்கப்பட்டுள்ளது

விபச்சாரம், போதைப்பொருள் விற்பனையை ஊக்குவிப்பதில் யாழ் மேயர் யோகேஸ்வரி!

விபச்சாரம், போதைப்பொருள் விற்பனையை ஊக்குவிப்பதில் யாழ் மேயர் யோகேஸ்வரி!

Published on November 20, 2011-7:35 pm ·

யாழ்ப்பாணத்தில் இடம்பெறும் விபச்சாரம் முற்றும் போதைப்பொருள் விற்பனை உள்ளிட்ட சட்டவிரோதச்செயற்பாடுகளை யாழ்.மாநகர மேயர் திருமதி யோகேஸ்வரி பற்குணராஜா ஊக்குவிக்கின்றார் என ஆளும் மாநகரசபை உறுப்பினர் நிசாந்தன் குற்றம் சாட்டியுள்ளார்.
யாழ்.நகரில் இடம்பெறும் போதைப்பொருள் விற்பனை விபச்சாரம் கசிப்பு உள்ளிட்ட சட்;ட விதச் செயற்பாடுகளை மாநகர மேயரே தூண்டி விடும் விதமாக செயற்படுகின்றார் என அவர் குற்றஞ்சாட்டியுள்ளார்
யாழ்ப்பாணத்தில் சட்டவிரோதமாக விடுதிகள் இயங்குகின்றன. போதைப்பொருள் வியாபாரமும் நடைபெறுகின்றது. இவற்றிற்கு எதிராக நடவடிக்கை எடுக்க மாநகர சபை மேயரிடம் கோரிக்கை விடுத்த போதும் இதுவரையில் அவர் நடவடிக்கை எடுக்கவில்லை
பொலிஸார் தகவல் கொடுத்தால் தான் நடவடிக்கை எடுப்போம் என்று தெரிவிக்கின்றனர் தாமாக முன்வந்து சட்ட நடவடிக்கைகளை மேற்கொள்கின்றார்கள் இல்லை
கடந்த 3 மாதங்களுக்கு முன்னரே யாழ்ப்பாணத்தில் இடம்பெறும் சட்டவிரோத விடுதிகள் மற்றும் நடவடிக்கைகள் தொடர்பாக நடவடிக்கை எடுக்குமாறு மாநகர சபையில் கூறினேன்
ஆனால் இதுவரையில் அவர் எந்த நடவடிக்கையையும் எடுக்கவில்லையென்றும் இதனால் அவர் மீது சட்டநடவடிக்கையை எடுக்க தாம் தீர்மானித்திருப்பதாகவும் அவர் தெரிவித்தார்.

கிழக்கு மாகாணத்தில் பிள்ளையான், கருணா, முஸ்லீம் குழுக்களிடம் பெருந்தொகை ஆயுதங்கள்

கிழக்கு மாகாணத்தில் பிள்ளையான், கருணா, முஸ்லீம் குழுக்களிடம் பெருந்தொகை ஆயுதங்கள்!

Published on November 20, 2011-7:31 am · No Comments

கிழக்கு மாகாணத்தில் பொதுமக்கள் வைத்திருந்த 3440 ஆயுதங்கள் தம்மிடம் ஒப்படைக்கப்பட்டிருப்பதாக காவல்துறையினர் தெரிவித்துள்ளனர்.
பொதுமக்களிடம் உள்ள ஆயுதங்களை உடனடியாக ஒப்படைக்குமாறு காவல்துறையினர் விடுத்த உத்தரவிற்கு அமைய இவ்வாறு ஆயுதங்கள் ஒப்படைக்கப்பட்டுள்ளன.
அம்பாறை, கந்தளாய், திருகோணமலை போன்ற பிரதேசங்களைச் சேர்ந்த பொதுமக்கள் வசமிருந்த ஆயுதங்கள் இவ்வாறு ஒப்படைக்கப்பட்டுள்ளன.
ஆயுதங்களை பொறுப்பெற்றுக் கொள்ளும் நடவடிக்கைகள் அடுத்த வாரத்துடன் முடிவடைவதாக காவல்துறையினர் அறிவித்துள்ளனர்.
அதன் பின்னர் மாகாணத்தில் காணப்படும் சட்டவிரோத ஆயுதங்களை கண்டு பிடிக்கும் நோக்கில் பாரியளவிலான தேடுதல் வேட்டைகள் முன்னெடுக்கப்படும் என காவல்துறையினர் அறிவித்துள்ளனர்.
ஒப்படைக்கப்பட்ட ஆயுதங்களில் அதிகமானவை எல்லைப்புற சிங்கள கிராமங்களின் பாதுகாப்பிற்காக பொதுமக்களுக்கு வழங்கப்பட்டவை என தெரிவிக்கப்படுகிறது.
இதேவேளை கிழக்கு மாகாணத்தில் பிள்ளையான் குழு, கருணாகுழு மற்றும் முஸ்லிம் குழுக்களிடம் பெருந்தொகையான ஆயுதங்கள் உள்ளன.
விடுதலைப்புலிகளிடமிருந்து கருணா பிரிந்த போது கிழக்கில் பெருந்தொகையான ஆயுதங்கள் இருந்தன. கிழக்கு மாகாணத்தில் அப்போது இருந்த விடுதலைப்புலிகளின் தகவல்களின் படி சுமார் 40 பாரிய ஆயுதங்களஞ்சியங்கள் இருந்ததாக தெரிவித்துள்ளனர்.
இந்த ஆயுதங்களில் ஒருபகுதி பிள்ளையான் மற்றும் கருணா குழுக்களால் முஸ்லீம்களுக்கு விற்கப்பட்டுள்ளது. அத்துடன் கருணா பிரிந்த நேரத்தில் விடுதலைப்புலி உறுப்பினர்கள் பலர் தமது ஆயுதங்களை எறிந்து விட்டு தமது வீடுகளுக்கு சென்றிருந்தனர். அந்த ஆயுதங்களை சில பொதுமக்கள் எடுத்து முஸ்லீம் ஆயுதக்குழுக்களுக்கும் விற்றுள்ளன.
இந்த ஆயுதங்கள் எவையும் காவல்துறையினரிடம் ஒப்படைக்கப்படவில்லை என்பது குறிப்பிடத்தக்கதாகும்.

இறுதிக்கட்ட யுத்தம் பற்றி அரசாங்கம் விசாரணையை நடத்த வேண்டும் -ஆணைக்குழு அறிக்கை

இறுதிக்கட்ட யுத்தம் பற்றி அரசாங்கம் விசாரணையை நடத்த வேண்டும் -ஆணைக்குழு அறிக்கை

Published on November 20, 2011-5:55 am ·

இன்று ஞாயிற்றுக்கிழமை காலை 11 மணிக்கு அலரி மாளிகையில் வைத்து ஜனாதிபதி மகிந்த ராஜபக்சவிடம் கையளிக்கப்படவிருக்கும் கற்றுக்கொண்ட பாடங்கள் மற்றும் நல்லிணக்க ஆணைக்குழுவின் இறுதி அறிக்கையில் யுத்தத்தின் இறுதிக்கட்டத்தில் இடம்பெற்ற சம்பவங்கள் குறித்து விசாரணையை அரசாங்கம் நடத்த வேண்டும் என்று கோரப்படவிருப்பதாக சண்டே ரைம்ஸ் ஆங்கில வார இதழ் செய்தி வெளியிட்டுள்ளது.

ஆணைக்குழுவிற்கு கிடைத்த தகவல்களின் அடிப்படையில் அக்குற்றச்சாட்டுக்களுக்கான ஆரம்ப ஆதாரங்கள் இருப்பதாகவும் ஆணைக்குழுவின் அறிக்கையில் தெரிவிக்கப்பட்டுள்ளது.

எவ்வாறாயினும் ஆணைக்குழு சம்பவங்கள் பற்றியோ மற்றும் அச்சம்பவங்களில் பங்குபற்றியவர்கள் பற்றிய அடையாளங்களையோ அறிக்கையில் தெரிவிக்கவில்லை என்றும் அச்செய்தியில் தெரிவிக்கப்பட்டுள்ளது.

ஆணைக்குழு தனது 400 பக்க அறிக்கையில் சணல் 4வின் கொலைக்களம் ஆவணம் முற்றாக புனையப்பட்டதொன்று என்றும் தெரிவித்துள்ளது.

ஆணைக்குழுவின் அறிக்கையில் தெரிவிக்கப்பட்டுள்ள முக்கிய அம்சங்களாவன:-

1. பொதுமக்களின் அபிப்பிராயப்படி இனப்பிரச்சினை அரசியல்வாதிகளால் தங்களின் வாக்கு வங்கியை அதிகரிக்க உருவாக்கப்பட்ட ஒன்றாகும். ஒருவரின் இனத்தை மையமாக வைக்காது இலங்கை பிரஷை என்பதை மையமாக வைத்து இனரீதியான அரசியலுக்கு முடிவு கட்ட வேண்டும். சிறிமாவோ ஆட்சியில் பல்கலைக்கழக அனுமதிக்கு தரப்படுத்தல் முறை கொண்டு வரப்பட்டதை அடுத்தே பிரச்சினை ஆரம்பித்தது.

2. 1983 ஜூலை இனக்கலவரம் பற்றியும் அறிக்கையில் விஸ்தாரமாக ஆராயப்பட்டுள்ளது.

3. நாட்டின் எந்தப்பகுதியிலும் இலங்கையன் காணி வாங்குவதற்கு உரித்துள்ளவர்கள்.

4. தருஸ்மன் அறிக்கை என்றழைக்கப்படுகின்ற ஐநா நிபுணர் குழு அறிக்கையையும் ஆணைக்குழு தனது கவனத்திற்கு எடுத்துக்கொண்டது

என சண்டேரைம்ஸ் தெரிவித்துள்ளது

யுத்த கசப்பு இனங்களுக்கிடையில் நிரந்தர வடுக்களாகத்தான் இருக்கும் – தேசிய சமாதான பேரவை

யுத்த கசப்பு இனங்களுக்கிடையில் நிரந்தர வடுக்களாகத்தான் இருக்கும் – தேசிய சமாதான பேரவை

Published on November 19, 2011-4:56 pm · No Comments

அரசாங்கத்திற்கும் தமிழ்த்தலைவர்களுக்கும் இடையேயும், இனங்களுக்கு இடையிலும்; உண்மையான நல்லிணக்கம் ஏற்படாத பட்சத்தில் . யுத்தத்தின் கடைசிக்கட்டத்தில் ஏற்பட்ட கசப்பும் பகைமையும் இனங்களுக்கு இடையே நிரந்தர வடுக்களாகத்தான் இருக்கும் என தேசிய சமாதானப் பேரவை தெரிவித்துள்ளது.

இது தொடர்பான தேசிய சமாதானப்பேரவை வெளியிட்ட அறிக்கையில் மேலும் தெரிவிக்கப்பட்டுள்ளதாவது

விடுதலைப்புலிகளை 2009 இல் இராணுவ ரீதியில் தோற்கடித்ததுடன் 3 தசாப்தங்களாக நீடித்த உள்நாட்டு யுத்தமும் பயங்கரவாதமும் முடிவுக்கு வந்தன. அதனால் ஏற்பட்ட உயிரிழப்புக்கள், அழிக்கப்பட்ட சொத்துக்கள், அபிவிருத்திகள், உளவியல்
தாக்கங்கள் மற்றும் புலம்பெயர்ந்தோர் கணக்கில் அடங்கா.

அரசாங்கத்திற்கும் தமிழ்த்தலைவர்களுக்கும் இடையேயும் இனங்களுக்கு இடையிலும் உண்மையான நல்லிணக்கம் ஏற்படாத பட்சத்தில் . யுத்தத்தின் கடைசிக்கட்டத்தில் ஏற்பட்ட கசப்பும் பகைமையும் இனங்களுக்கு இடையே நிரந்தரவடுக்களாக இருக்கும்.

சமாதான வழியில் சமாதானத்தை அடைவதற்கு நோர்வே அரசின் அனுசரணையுடன் 2002-2006 களில் மேற்கொள்ளப்பட்ட முயற்சியோ கடைசியான முயற்சியாக இருந்தது. தேசிய சமாதான சபை கடைசி சமாதான முயற்சியை ஆதரித்தது.

யுத்தத்தில் ஈடுபட்ட இரு தரப்பினரையும் போர்க்களம் செல்லாதபடி சமாதானத்தை நோக்கியதான மக்கள் இயக்கம் ஒன்றை உருவாக்க எம்மால் முடியாமல் போயிற்று. இது வருத்தத்திற்குரியது.

இராணுவத்தீர்விலும் பார்க்க சமாதான முயற்சியின் மூலம் காணப்பட்ட தீர்வு மிகவும் உயர்வானதாக இருந்திருக்கும். அதன் மூலம் அரசியல் தீர்வு ஒன்றைக்கண்டிருக்க முடியும். அம்முயற்சி வெற்றி பெற்றிருந்தால் உயிரிழப்புக்கள் மற்றும் சொத்து அழிவுகள் தவிர்க்கப்பட்டிருக்கும். தோல்வி கண்டிருப்பினும் யுத்தத்தினை சமாதான வழியில் முடிவுக்குக்கொண்டுவர எடுக்கப்பட்ட முயற்சிகள் துணிச்சலானதாகவும்
தேவையானதாகவும் அமைந்திருந்தன.

இன முரண்பாடுகளின் ஆணிவேர் சரியாக கவனிக்கப்படாததால் தான் யுத்தமும் பயங்கரவாதமும் ஏற்பட்டன. யுத்தம் முடிவுற்றாலும் இன்னும் அவை கவனிக்கப்படவேண்டியவையாகும்.

நோர்வேயின் அனுசரணையுடன் ஆரம்பிக்கப்பட்ட சமாதான முயற்சி சமாதான தீர்வை நோக்கியே நகர்ந்தது. ஒரு கட்டத்தில் ஐக்கிய இலங்கைக்குள் அதிகாரப்பகிர்வு பற்றி ஆராய்வதற்கு அரசும் விடுதலைப்புலிகளும் இணங்கியிருந்தனர். அது தோற்றுப்போனதற்கான காரணங்களை நாம் படிக்க வேண்டும். எதிர்காலத்தில் அப்பாடத்தை பயன்படுத்த வேண்டும்.

சமாதான முயற்சி பற்றி நோர்வே ஆராய்ந்தது. திறந்த வெளிப்பாட்டுக்கு உதாரணமாக அது அமைகின்றது. இப்போது யுத்தம் முடிந்து விட்டது. அரசியல் தீர்வு ஒன்றைக் காணவும் யுத்தத்தின் பின்னரான அபிவிருத்தியை முன்னெடுக்கவும் ஆதரவளிக்க வேண்டும் என்று நாம் நோர்வேயையும் சர்வதேச சமூகத்தையும் கோருகின்றோம்.

சமாதான முயற்சியில் நேரடியாக ஈடுபட்டிருந்த அமெரிக்கா, ஐரோப்பிய யூனியன், இந்தியா மற்றும் ஜப்பான் ஆகிய நாடுகள் தொடர்ந்தும் அம்முயற்சியில் ஈடுபட்டு இலங்கையில் சமாதானத்தையும் நீதியையும் நிலைநிறுத்த உதவவேண்டும்.